انا امسّي على ذكراك. واصبّح على عِلمك. وبعد ما النوم يبعدني. يحلق ذهني بحلمك.
يحيّي ربي محياك. ويرسّيني على حبك. وكل ما تبحر ايامي. تقرِّب قلبي بقلبك.
نسيت ذاتي قبل مانساك. وفهمتني قبل لافهمك. هديتك ضلعي يا ضلعي. قبل لايظمني يظمك.
تسلّي قلبي ويسلاك. تقاطع دربي بدربك. عليك الله ما تقاطعني. وقربي يزيد من قربك.
تراعيني وانا أرعاك. وتأمرني وانا سيدك. تغذي روحي بروحك. ومن سنيني انا ازيدك.
احبك وانت بسكناك. واعشقك وانت بشغلك. خفوقي يطفق بغيرة… من اللي ماخذٍ عقلك.
في حلمي قاعدٍ وياك. وانا فرحان بوجودك. يجي يوم اكحل عيوني. واشبع من حمرة خدودك.
تكمّل لفظي اش درّاك؟ تكامل ظني بظنونك. تضحكني وانا اضحكك. وصدري يخفي مكنونك.
هديتي كلمةٍ تفداك. وتسلمّها على هونك. احبك موت يالغالي. وحياتي رهن لعيونك.

 

Leave a Reply

Your email address will not be published. Required fields are marked *

*


*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>